ÁCh-2026: Portýgalııa quramasy 1/8 fınalǵa joldama aldy
ASTANA. KAZINFORM — Fýtboldan 2026 jylǵy álem chempıonatynda Portýgalııa quramasy 1/8 fınalǵa joldama aldy. Endi olar jarystyń atalǵan satysynda Ispanııamen sheberlik baıqasady.
Pleı-off satysynda ıspanııalyq fýtbolshylar Horvatııamen kezdesti.
Oıyn barysynda horvatııalyq fýtbolshylar alǵashqy bolyp esep ashqan edi. Olardyń qatarynan Ivan Perıshıch 53-mınýtta kózge tústi.
Al 60-mınýtta Krıshtıaný Ronaldý penaltıden tarazy basyn teńestirse, portýgalııalyq taǵy bir oıynshy Gonsalý Ramýsh 94-mınýtta soqqan gol óz quramasyna jeńis alyp keldi.
Osylaısha Portýgalııa qarsylasynan 2:1 esebimen basym tústi.
Álem fýtbolyndaǵy tanymal juldyz Krıshtıný Ronaldý bastaǵan jigitter toptyq kezeńde asa sátti oıyn kórsete alǵan joq. Ekinshi oryndy mise tutty. Bir jeńis, eki teń nátıjemen bes upaı enshilegen olar Ózbekstandy 5:0 esebimen qapy qaldyryp, Kolýmbııamen 0:0, Kongo DR quramasymen 1:1 esebine qanaǵat bildirdi.
Qarsylastar qazirge deıin 10 márte jasyl alań tórinde sheberlik baıqasty. Ázirge horvatııalyq fýtbolshylar birde-bir márte Portýgalııany jeńe almaı keledi. Segiz kezdesýde ola qarsylasyna ese jiberse, ekeýinde teń nátıje tirkeldi.
Eske salsaq, budan buryn Ispanııa Aýstrııany oısyrata jeńip, 1/8 fınalǵa shyqty.
