ÁCh-2026: Germanııany penaltı serııasynda jeńgen Paragvaı 1/8 fınalyna shyqty
ASTANA. KAZINFORM – Paragvaı quramasy 2026 jylǵy fýtboldan álem chempıonatynyń 1/16 fınalynda Germanııany jeńip, kelesi kezeńge ótti, dep habarlaıdy Sports.kz.
AQSh-tyń Foksboro qalasyndaǵy «Djılett» stadıonynda ótken kezdesýdiń negizgi ýaqyty 1:1 esebimen aıaqtaldy. Matchtyń 42-mınýtynda Hýlıo Ensıso Paragvaıdy alǵa shyǵarsa, ekinshi taımnyń 54-mınýtynda Kaı Haverts Florıan Vırtstiń pasynan keıin baspen dál soqqy jasap, esepti teńestirdi.
Qosymsha ýaqytta Germanııa 102-mınýtta Djonatan Ta buryshtamadan keıin gol soqqanymen, VAR júıesi qaqpashyǵa qarsy ereje buzylǵanyn anyqtap, gol esepke alynbady.
Overtaımda jeńimpaz anyqtalmaǵan soń, match taǵdyry penaltıler serııasynda sheshildi. Onda Paragvaı quramasy 4:3 esebimen basym túsip, álem chempıonatynyń 1/8 fınalyna joldama aldy.
Endi Paragvaı 1/8 fınalda Frantsııa men Shvetsııa quramalary arasyndaǵy kezdesýdiń jeńimpazymen oınaıdy.
Eske sala ketsek, buǵan deıin sońǵy mınýtta soǵylǵan gol Brazılııany álem chempıonatynyń 1/8 fınalyna alyp shyqqanyn jazdyq.
