ÁCh-2026: Kolýmbııa pleı-off satysyna berilgen sońǵy joldamaǵa ıe boldy
ASTANA. KAZINFORM — Fýtboldan 2026 jylǵy álem chempıonatynda Kolýmbııa quramasy 1/8 fınalǵa joldama aldy.
Ońtústik Amerıka qurlyǵynyń ókilderi pleı-off satysynda ganamen sheberlik baıqasqan edi. Kezdesý barysynda qarsylastar tarapynan gol soǵatyn múmkindik az bolǵan joq. Soǵan qaramastan oıyn taǵdyryn sheshken jalǵyz gol soǵyldy. Ony 14-mınýtta kolýmbııalyq Djon Arıas óziniń enshisine jazdy.
Osylaısha Kolýmbııa qarsylasynan 1:0 esebimen basym túsip, jarystyń kelesi satysyna joldama aldy.
K tobynda Ońtústik Amerıka qurlyǵynyń ókilderi Portýgalııamen 0:0 esebimen teń oınap, Kongo DR quramasyn 1:0, Ózbekstandy 3:1 esebimen tize búktirdi.
L tobynda Gana bir jeńis, bir teń oıyn, bir jeńilispen 4 upaı aldy. Olar Anglııamen 0:0 esebine qanaǵat bildirse, Horvatııaǵa 1:2 esebimen ese jiberip, Panamany 1:0 esebimen tize búktirdi.
Qarsylastar qazirge deıin ózara kezdesken emes.
Aıta ketsek, 1/8 fınalǵa shyqqan barlyq qurama anyqtaldy. Olardyń qatarynda Kanada, Brazılııa, Paragvaı, Marokko, Norvegııa, Frantsııa, Meksıka, Anglııa, Belgııa, AQSh, Ispanııa, Portýgalııa, Argentına, Egıpet, Kolýmbııa quramalary bar.
