ÁCh-2026: Ispanııa Aýstrııany oısyrata jeńip, 1/8 fınalǵa shyqty
ASTANA. KAZINFORM — Fýtboldan álem chempıonatynyń 1/16 fınalynda Ispanııa quramasy Aýstrııany 3:0 esebimen jeńip, jarystyń kelesi kezeńine joldama aldy, dep jazady Report.
Los-Andjelestegi SoFi Stadium stadıonynda ótken kezdesýde ıspanııalyqtardyń sapynan Mıkel Oıarsabal 36 jáne 89-mınýttarda dýbl avtory atansa, Pedro Porro 66-mınýtta bir gol soqty.
Osylaısha, Ispanııa quramasy álem chempıonatynyń 1/8 fınalyna shyqty. Endi olar kelesi kezeńde Portýgalııa men Horvatııa arasyndaǵy matchtyń jeńimpazymen kezdesedi.
Buǵan deıin AQSh quramasy 1/8 fınalyna joldama aldy.
Sondaı-aq Belgııa quramasy qosymsha ýaqytta Senegaldy 3:2 esebimen jeńip, 2026 jylǵy fýtboldan álem chempıonatynyń 1/8 fınalyna shyqty.
