ÁCh-2026: Ispanııa 16 jyldan keıin álem chempıonatynyń fınalyna shyqty
ASTANA. KAZINFORM — Fýtboldan 2026 jylǵy álem chempıonatynyń jartylaı fınalyndaǵy Frantsııa — Ispanııa kezdesýiniń nátıjesi belgili boldy.
Kezdesý barysynda qarsylastar birden tolassyz shabýylǵa kóńil bóldi. Kılıan Mbappe bastaǵan jigitter jyldam gol soǵý múmkindigin izdegen edi. Esesine olar óz qaqpasyna gol jiberip aldy.
Oıynnyń 22-mınýtynda frantsııalyq Lıýka Dın óziniń aıyp alańynda Ispanııa fýtbolshysy Lamın ıAmaldy shalyp qulatty. Salvadorlyq bas tóreshi Lıýka Dın belgilegen penaltıden ıspanııalyq Mıkel Oıarsabal múlt ketken joq.
Odan keıin Dıde Desham shákirtteri tarazy basyn teńestirýge umtylǵan edi. Degenmen birinshi kezeńde tablodaǵy kórsetkish ózgerissiz qaldy.
Ekinshi kezeńde 58-mınýtta ıspanııalyq Pedro Porro esepti ulǵaıta tústi.
Osylaısha ıspanııalyq fýtbolshylar qarsylasynan 2:0 esebimen basym túsip, fınalǵa joldama aldy.
Ispanııa 2010 jyly álem chempıony ataǵyna qol jetkizgen edi. Olar on alty jyldan keıin qaıtadan sol jetistigin qaıtalaýǵa múmkindik alyp otyr.
Ispanııa H tobynda eki jeńis, bir teń oıynmen 7 upaı jınady. Olar Ýrýgvaıdy 1:0, Saýd Arabııasyn 4:0 esebimen jeńip, Kabo-Verdemen 0:0 esebimen teń tústi.
Odan keıin 1/16 fınalda Aýstrııany 3:0, 1/8 fınalda Portýgalııany 1:0, Belgııany 2:1 esebimen jeńdi.
Aıta ketsek, endi 15 shildede Qazaqstan ýaqytymen 23:50–de Anglııa — Argentına quramalary fınaldyń taǵy bir joldamasyn sarapqa salady. Fınal men 3-oryn úshin oıyn 19 shildege belgilengen.
