ÁCh-2026: FIFA klýbtarǵa tólemderdi shamamen 70%-ǵa kóbeıtti

ASTANA. KAZINFORM – Halyqaralyq fýtbol qaýymdastyqtary federatsııasy (FIFA) fýtbol klýbtary oıynshylardyń 2026 jylǵy álem chempıonatyna qatysýy úshin Club Benefits Programme (CBP) baǵdarlamasy aıasynda rekordtyq 355 mln dollar alatynyn málimdedi, dep habarlaıdy Kazinform menshikti tilshisi. 

Bul 2022 jyly Qatarda tólem 209 mln dollardy quraǵannan 70 paıyzǵa derlik kóp. Klýbtar alǵash ret oıynshylardy fınaldyq týrnırge shyǵarǵany úshin ǵana emes, irikteý matchtaryna jibergeni úshin de aqsha alatyn bolady. 

CBP baǵdarlamasy klýbtar men oıynshylardyń álem chempıonatynyń matchtaryn daıyndaýǵa jáne ótkizýge qosqan úlesin eskeredi. 2022 jyly 51 elden 440 klýb tólem aldy.

2026 jylǵy álem chempıonaty 11 maýsym men 19 shilde aralyǵynda AQSh, Meksıka jáne Kanadada ótedi. Tólemderdi keńeıtý burynǵy týrnırlermen salystyrǵanda benefıtsıar klýbtardyń sanyn aıtarlyqtaı arttyrýǵa múmkindik beredi. 

Buǵan deıin FIFA 2027 jylǵa deıin Qazaqstanda 100 shaǵyn fýtbol alańyn salatynyn jazǵan edik.