ÁCh-2026: Ekvador men Kıýrasaonyń kezdesýi 0:0 esebimen aıaqtaldy
ASTANA. KAZINFORM — Ekvador men Kıýrasao quramalary 2026 jylǵy fýtboldan álem chempıonatynyń toptyq kezeńindegi ekinshi týr matchynda teń tústi, dep habarlaıdy Kazinform tilshisi.
E toby aıasyndaǵy kezdesý AQSh-tyń Kanzas-Sıtı qalasyndaǵy «Erroýhed» stadıonynda ótip, 0:0 esebimen aıaqtaldy.
Match barysynda eki komanda da birneshe qaýipti shabýyl uıymdastyrǵanymen, qarsylas qaqpasynan sańylaý taba almady. Negizgi jáne qosymsha ýaqyt golsyz aıaqtaldy.
Ekvador úshin bul týrnırdegi alǵashqy upaı boldy. Buǵan deıin komanda alǵashqy týrda Kot-d’Ivýardan 0:1 esebimen jeńilgen edi. Al Kıýrasao quramasy Germanııadan 1:7 esebimen oısyraı utylǵannan keıin álem chempıonatyndaǵy alǵashqy upaıyn enshiledi.
Aıta keteıik, E tobyndaǵy ekinshi týrdyń taǵy bir matchynda Germanııa quramasy Kot-d’Ivýardy 2:1 esebimen jeńdi.
Eki týrdan keıin Germanııa 6 upaımen top kóshin bastap tur. Kot-d’Ivýardyń enshisinde – 3 upaı. Al Ekvador men Kıýrasao bir-bir upaıdan jınady.
Sondaı-aq bul Kıýrasao quramasynyń álem chempıonattary tarıhyndaǵy alǵashqy upaıy boldy.
Buǵan deıin Germanııa quramasynyń Kot-d’Ivýardy matchtyń sońǵy sekýndtarynda jeńip ketkeni habarlanǵan bolatyn.
