ÁCh-2026: ekinshi jartylaı fınalda Anglııa men Argentına kezdesedi
ASTANA. KAZINFORM — 2026 jylǵy fýtboldan álem chempıonatynyń ekinshi jartylaı fınalynda Anglııa men Argentına quramalary kezdesedi, dep habarlaıdy Sports.kz.
Match sársenbiden beısenbige qaraǵan túni AQSh-tyń Atlanta qalasyndaǵy 71 myń kórermenge arnalǵan «Mersedes-Bents» stadıonynda ótedi. Kezdesýge amerıkalyq tóreshi Ismaıl Elfat bastaǵan qazylar brıgadasy qyzmet kórsetedi.
Oıynnyń tikeleı translıatsııasy Astana ýaqytymen saǵat 00:00–de Qazsport telearnasynan kórsetiledi.
Shırek fınalda Anglııa quramasy qosymsha ýaqytta Norvegııany jeńse, Argentına ekstra-taımda Shveıtsarııadan basym tústi.
Argentına quramasy álem chempıonatyn úsh ret (1978, 1986, 2022) jeńip alǵan. Al Anglııa bul ataqty ázirge bir ret — 1966 jyly ıelengen.
Aıta keteıik, fýtboldan álem chempıonatynda Ispanııa Frantsııany jeńip, fınalǵa shyqty.
