ÁCh-2026: Brazılııa men Morokko bir-birin jeńe almady
ASTANA. KAZINFORM – Fýtboldan 2026 jylǵy álem chempıonatynyń S tobyndaǵy birinshi týr matchynda Brazılııa ulttyq quramasy men Marokko ulttyq quramasy 1:1 esebimen teń tústi, dep habarlaıdy Kazinform.
Kezdesý AQSh-tyń Ist-Raterford qalasyndaǵy Metlaıf stadıonynda ótti. Matchtyń bas tóreshisi mindetin slovenııalyq Slavko Vınchıch atqardy.
Oıynnyń 21-mınýtynda marokkolyq jartylaı qorǵaýshy Ismael Saıbarı qaqpashy Alıson Bekerdi aldap ótip, esep ashty.
Al 32-mınýtta brazılııalyq Vınısıýs Jýnıor tarazy basyn teńestirdi.
Ekinshi týrda Brazılııa quramasy Gaıtı ulttyq quramasymen (20 maýsym), al úshinshi týrda Shotlandııa ulttyq quramasymen (25 maýsym) kezdesedi.
Marokko quramasy kelesi týrda Shotlandııamen (20 maýsym), úshinshi týrda Gaıtımen (25 maýsym) oınaıdy.
Al alǵashqy týrda Shotlandııa men Gaıtı quramalary Amerıka ýaqytymen 14 maýsymǵa qaraǵan túni ózara kezdesedi.
Eske sala keteıik, buǵan deıin Meksıka alǵashqy oıynda Ońtústik Afrıkany jeńgenin jazdyq.
Al 14 maýsym kúni, ıaǵnı búgin ótetin matchtardyń kestesin myna jerden kóre alasyz.
