ÁCh-2026: Belgııa Senegaldy qosymsha ýaqytta jeńdi
ASTANA. KAZINFORM — Belgııa quramasy qosymsha ýaqytta Senegaldy 3:2 esebimen jeńip, 2026 jylǵy fýtboldan álem chempıonatynyń 1/8 fınalyna shyqty.
2026 jylǵy fýtboldan álem chempıonatynyń 1/16 fınalyndaǵy match AQSh-tyń Sıetl qalasyndaǵy Lumen Field stadıonynda ótti.
Negizgi ýaqyt 2:2 esebimen aıaqtaldy. Senegal quramasy sapynda Habıb Dıarra men Ismaıla Sarr mergendik tanytsa, Belgııa quramasy úshin Romelý Lýkaký men ıÝrı Tılemans gol soqty.
Jeńis goly qosymsha ýaqyttyń 120+5-mınýtynda soǵyldy. ıÝrı Tılemans penaltıdi sátti oryndap, Belgııa quramasyna 3:2 esebimen jeńis syılady.
Toptyq kezeńde Belgııa quramasy G tobynda birinshi oryn alsa, Senegal I tobynda úshinshi orynmen pleı-off kezeńine joldama alǵan bolatyn.
Bıyl álem chempıonaty 11 maýsym men 19 shilde aralyǵynda AQSh, Kanada jáne Meksıkada ótip jatyr. Qazirgi álem chempıony — Argentına quramasy.
Aıta keteıik, Garrı Keınniń qos goly Anglııany álem chempıonatynyń 1/8 fınalyna shyǵardy.
