ÁCh-2026: Anglııa Norvegııany jeńip, jartylaı fınalǵa joldama aldy
ASTANA. KAZINFORM – Fýtboldan 2026 jylǵy álem chempıonatynyń ¼ fınalynda Norvegııa – Anglııa kezdesýiniń nátıjesi belgili boldy.
Kezdesý barysynda alǵashqy mınýttan anglııalyq fýtbolshylardyń belsendiligi baıqalyp turdy. Jyldam gol soǵýǵa umtylǵan olar qarsylastar qaqpasy mańynda jıi boı kórsetti. Oǵan norvegııalyq qorǵaýshylar laıyqty toıtarys berip jatty. Esesine Anglııa quramasy óz qaqpasyna gol jiberip aldy. Oıynnyń 36-mınýtynda norvegııalyq Andreas Shelderýp qarsylas qaqpasynan sańylaý taýyp, óz quramasyn alǵa shyǵardy.
Al 45-mınýtta anglııalyq Djýd Bellıngem tarazy basyn teńestirdi. Oıynnyń negizgi ýaqyty 1:1 esebimen teń aıaqtaldy. Nátıjesinde ol qosymsha kezeńge ulasty.
Qosymsha kezeńde 93-mınýtta Djýd Bellıngem taǵy bir márte mergendik tanytty. Osylaısha Anglııa qarsylasynan 2:0 esebimen basym túsip, jartylaı fınalǵa joldama aldy. Endi olar 15 shildede Argentına – Shveıtsarııa jubynyń jeńimpazymen kezdesedi.
I tobynda oınaǵan norvegııalyq qurama eki jeńis, bir jeńilispen alty upaı jınap, týrnır kestesinde ekinshi orynǵa taban tiredi. Olar Irakty 4:1, Senegaldy 3:2 esebimen orta jolda qaldyrsa, Frantsııaǵa 1:4 esebimen jol berdi. Odan keıin 1/16 fınalda Kot-d'Ivýardy, 1/8 fınalda Brazılııany 2:1 esebimen qapy qaldyrdy.
Al Anglııa quramasy L tobynda Horvatııany 4:0, Panamany 2:0 esebimen jeńip, Ganamen 0:0 esebine qanaǵat bildirdi. Dop dodasynyń 1/16 fınalynda Kongo DR quramasyn 2;1, Meksıkany 3:2 esebimen jeńdi.
Aıta ketsek, jartylaı fınaldyń alǵashqy jubynda 14 shildede Frantsııa – Ispanııa sheberlik baıqasady.
