ÁCh-2022: Qazaqstan-Ýkraına arasyndaǵy irikteý matchy kórermendermen ótpek
NUR-SULTAN. QazAqparat – 1 qyrkúıek kúni Qazaqstannyń ulttyq quramasy 2022 jylǵy álem chempıonatyna irikteý matchynda Ýkraınamen kezdespek, dep habarlaıdy QazAqparat Olimpic.kz saıtyna silteme jasap.
Vedomstvoaralyq komıssııa men Nur-Sultan qalasynyń bas sanıtarlyq dárigeriniń sheshimimen Ashyq qosymshasyn qoldaný arqyly stadıonnyń 30 paıyzyn kórermendermen toltyrýǵa ruqsat etildi.
Ol úshin Ashyq qosymshasyn júktep alyp, aldyn ala ózińizdiń mártebeńizdi bilip alǵanyńyz jón. Jankúıerlerdi stadıonda ornalastyrý áleýmettik ara qashyqty saqtaı otyryp júrgiziledi, sonymen qatar medıtsınalyq maskanyń bolýy talap etiledi.
