ÁCh-2022 irikteý týrnıriniń Qazaqstan-Frantsııa matchy kórermensiz ótedi
NUR-SULTAN. QazAqparat –Qazaqstan fýtbol federatsııasy Qazaqstan men Frantsııa quramalary arasyndaǵy 28 naýryz kúni Nur-Sultanda ótetin 2022 jylǵy Álem chempıonatynyń irikteý matchyna jankúıerlerdi jiberýge qatysty resmı málimdeme jasady, dep habarlaıdy QazAqparat Sports.kz saıtyna silteme jasap.
«Qurmetti dostar! ÁCh-2022 Qazaqstan-Frantsııa irikteý matchy, ókinishke qaraı, kórermensiz ótetinin habarlaýǵa májbúrmiz.
Biz jankúıerlerdi oıynǵa jiberýge ruqsat beriledi dep úmittengen edik. Álem chempıondarymen kezdesý Qazaqstan úshin úlken fýtbol merekesi ekenin jaqsy túsinemiz.
Qazaqstan fýtbol federatsııasy jankúıerlerdi arenaǵa jiberý boıynsha sońǵy sátke deıin Nur-Sultan qalasynyń bas sanıtar dárigerimen kelissózder júrgizdi. Biz bıletterdi satýdy bastaýǵa daıyn boldyq, sizderdi keremet jańalyqpen qýantqymyz keldi.
COVID -19 taralýyn boldyrmaýǵa baǵyttalǵan osy májbúrli sharalarǵa túsinistikpen qaraýlaryńyzdy suraımyz», — delingen QFF habarlamasynda.
Eske sala keteıik, jeksenbi kúni, 28 naýryzda, Nur-Sultan qalasynda 2022 jylǵy Álem chempıonatynyń irikteý matchy ótedi. Onda Qazaqstan quramasy Frantsııa komandasyn qabyldaıdy.
Qazaqstan-Frantsııa matchy «Astana-Arenada» Nur-Sultan ýaqyty boıynsha 18:50-de bastalady.
