ÁCh-2021: Qazaqstan quramasy eń nátıjeli komandalardyń úshtigine endi
NUR-SULTAN. QazAqparat – Halyqaralyq hokkeı federatsııasynyń resmı saıty Rıgada ótken álem chempıonatynda óner kórsetken komandalardyń statıstıkasyn jarııalady, dep habarlaıdy QazAqparat Sports.kz. saıtyna silteme jasap.
Qazaqstan kútpegen jerden eń nátıjeli komandalardyń úshtigine endi. Qurama óziniń múmkindikterin múlt jibermegen komandalar kestesinde Germanııadan keıin ekinshi orynǵa turaqtady.
Qazaqstandyqtar týrnırdegi 6 oıynda qarsylastaryna 149 soqqy jasap, olardyń 21-i qaqpa ishinen tabyldy.
Osylaısha, Qazaqstan quramasynyń paıyzdyq kórsetkishi 14.09 boldy, Germanııaniki - 14.29. Mysal retinde alǵanda AQSh-tiki — 9.92 bolsa, Reseı soqqylarynyń 11.63 paıyzyn dál kózdedi.
Aıta keteıik, búgin Qazaqstan quramasy Italııany 11:3 oısyrata jeńip, V tobynda kósh bastady.
