ÁCh-2018: Japonııa tuńǵysh ret Kolýmbııany jeńdi
ASTANA. QazAqparat - Búgin fýtboldan 2018 jylǵy Álem chempıonaty N tobynyń alǵashqy kezdesýinde Kolýmbııa jáne Japonııa quramalary kúsh synasty, dep habarlaıdy QazAqparat tilshisi.
Oıyn aldynan fýtbol sarapshylary, býkmekerlik keńseler osy kezdesýdiń aıqyn favorıti retinde Kolýmbııa quramasyn kórsetken. Tipti bapker Hose Pekerman Hames Rodrıges, Karlos Bakka sekildi negizgi juldyzdaryn qosalqy quramda qaldyrǵan bolatyn.
Alaıda olar kúnshyǵys eliniń qatty qarsylyǵyna dýshar boldy. Áp degennen shabýylǵa lap qoıǵan japonııalyqtar 3-mınýtta qolaıly sátke ıe boldy. Tek Davıd Ospına ıÝıa Osakonyń soqqysyn qaıtardy. Qorǵaýshy Karlos Sanches óz aıyp alańynda dopty qolymen oınap qoıdy. Tóreshi ony alańnan qýyp, Kolýmbııa qaqpasyna penaltı belgiledi. 11 núkteden Shındjı Kagava múlt ketken joq - 0:1.
Kolýmbııa azshylyqpen bolsa da, 1-taımnyń aıaǵyna qaraı qarsylastarynyń qysymyn azaıta aldy. 39-mınýtta Hýan Kıntero aıyp dobyn tamasha oryndap, tarazy basyn teńestirdi.
Ekinshi taımda san basymdyǵyna ıe Japonııa qysymdy barynsha kúsheıtti. 73-mınýtta Kesýke Hondanyń buryshtamadan kótergen dobyn ıÝıa Osaka basymen soǵyp, esepti 1:2-ge jetkizdi. Osy esep oıyn sońyna deıin ózgergen joq. Úsh upaı alǵan Japonııa quramasy N tobynda kóshbasshyǵa aınaldy. Ekinshi oıynda Polsha men Senegal ózara myqtyny anyqtaıdy.
Kolýmbııa: qaqpashy - Davıd Ospına; qorǵaýshylar - Oskar Mýrılo, Santıago Arıas, Iohan Mohıka, Davınson Sanches; jartylaı qorǵaýshylar - Karlos Sanches, Hýan Kýadrado (Vılmar Barrıos - 31'), Jefferson Lerma, Hýan Kıntero (Hames Rodrıges - 59'); shabýylshylar - Radamel Falkao, Hose Iskerdo (Karlos Bakka - 70').
Japonııa: qaqpashy - Eıdzı Kavasıma; qorǵaýshylar - Gen Sedzı, ıÝto Nagatomo, Hırokı Sakaı, Maııa Ioshıda; jartylaı qorǵaýshylar - Gaký Sıbasakı (H. ıAmagýchı - 80'), Genkı Haragýchı, Shındjı Kagava (Kesýke Honda - 70'), Takashı Inýı, Makoto Hasebe; shabýylshy - ıÝıa Osako (Shındjı Okadzakı - 85').
Goldar: Sh. Kagava - 6'(pen.), Dj. Kıntero - 39', ıÝıa Osako - 73'.
Sary qaǵazdar: V. Barrıos - 64', H. Rodrıges - 86'; Edzı Kavashıma - 94'.
Qyzyl qaǵaz: K. Sanches - 3'.
Tóreshi - Damır Skomına (Slovenııa). «Mordovııa Arena» stadıony.
Foto: ru.fifa.com
