ÁCh-2018: Ulttyq qurama matchtaryn Kazsport kórsetedi
ASTANA. QazAqparat - Fýtboldan 2018 jylǵy álem chempıonatynyń irikteý kezeńindegi Qazaqstan quramasynyń barlyq oıyndaryn Kazsport telearnasy tikeleı taratady.
Bul týraly búgin Ortalyq kommýnıkatsııalar qyzmetinde ótken brıfıng barysynda «Qazaqstan» RTRK» AQ basqarma tóraıymy Nurjan Muhamedjanova málim etti.
«»Qazsport» telearnasynyń 2016-2017 jyldarǵa arnalǵan maýsymy óte qyzyq bolady. Telekórermenderimiz fýtboldan 2018 jylǵy álem chempıonatynyń irikteý kezeńindegi Qazaqstan ulttyq quramasynyń barlyq oıyndaryn tamashalaı alady. Qazaqstan-Polsha arasyndaǵy alǵashqy oıyndy tamashaladyńyzdar»,-dedi ótken matchty eske salǵan N.Muhamedjanova.
Jalpy, «Qazsport» arnasy 2018 jylǵy álem chempıonatynan 9 oıyndy tikeleı taratady.
Fýtboldan 2018 jylǵy Álem chempıonatynyń irikteý kezeńinde Qazaqstan quramasy myna kestege saı alańǵa shyǵady:
2016 jyl, 8 qazan - Chernogorııa - Qazaqstan
2016 jyl, 11 qazan -Qazaqstan - Rýmynııa
2016 jyl, 11 qarasha - Danııa - Qazaqstan
2017 jyl, 26 naýryz - Armenııa - Qazaqstan
2017 jyl, 10 maýsym- Qazaqstan - Danııa
2017 jyl, 1 qyrkúıek- Qazaqstan - Chernogorııa
2017 jyl, 4 qyrkúıek - Polsha - Qazaqstan
2017 jyl, 5 qazan - Rýmynııa -Qazaqstan
2017 jyl, 8 qazan- Qazaqstan - Armenııa.
