ÁCh-2018: Shvetsııa Ońtústik Koreıany jeńdi
ASTANA. QazAqparat - Búgin 2018 jylǵy Álem chempıonatynyń F tobynyń birinshi týr oıyndary aıaqtaldy. Onda Shvetsııa Ońtústik Koreıa quramasynan basym tústi dep habarlaıdy QazAqparat tilshisi.
Shvetsııa quramasy osy juptyń aıqyn favorıti sanalǵan bolatyn. Muny dáleldeý úshin ıAnne Andersson shákirtteri alǵashqy mınýttardan shabýylǵa lap qoıdy. Kóp ýaqyt dopsyz júrgen Ońtústik Koreıa quramasy 45 mınýtta jalǵyz-aq márte qaqpaǵa qaraı dop tebe aldy, biraq sonyń ózi qıys ketti. Bapker Sın The Eń ekinshi nómirmen oınaý taktıkasy birinshi taımda gol jibermeýdiń kepili boldy.
Ekinshi bólimde Skandınav túbeginiń ókilderi sapaly oınaı bastap, shabýylyna mazmun kirdi. Bul koreı fýtbolshylarynyń óz aıyp alańynda qatelik jiberýine sebep boldy. 63-mınýtta qorǵaýshylardyń Ion Gvıdettıdi shalyp jyǵyltqanyn kórgen tóreshi vıdeoqaıtalaýǵa júginip, penaltı belgiledi. Ony 33 jastaǵy komanda kapıtany Andreas Grankvıst sátti oryndap, esep ashty. 1:0 esebi oıyn sońyna deıin ózgergen joq.
Osy jeńisten keıin 3 upaı alǵan Shvetsııa Meksıkamen birge F tobynyń kóshbasshysyna aınaldy.
Keshe osy toptyń alǵashqy matchynda Meksıka Germanııa quramasyn jeńgen bolatyn.
Shvetsııa: qaqpashy - Robın Olsen; qorǵaýshylar - Mıkael Lıýstıg, Andreas Grankvıst, Lıýdvıg Aýgýstınsson, Pontýs ıAnsson; jartylaı qorǵaýshylar - Sebastıan Larsson (Gýstav Svensson 81'), Albın Ekdal (Oskar Hılemark 71'), Emıl Forsberg, Vıktor Klasson; shabýylshylar - Markýs Berg, Ola Toıvonen (Isaak Kıse Telın 77'). Bas bapkeri - ıAnne Andersson.
ıÝjnaıa Koreıa: qaqpashy - Cho Hıýn Vý; qorǵaýshylar - Lı Eń, Pak Chý Ho (Kım Mın Vý 28'), Kım Eń Von, Chjan Hen Sý; jartylaı qorǵaýshylar - Ký Dja Chhol (Lı Syn Vý 73'), Kı Soń Eń, Lı Djae Sýń; shabýylshylar - Son Hyn Mın, Kım Shın Výk (Chon Vý Eń 66'), Hvan Hı Chhan. Bas bapkeri - Sın The Eń.
«Nıjnıı Novgorod» stadıony, tóreshi - Joel Agılar (Salvador).
foto:fifa.com
