ÁCh-2018: Shvetsııa quramasy Meksıkaǵa qarsy tura ala ma?
ASTANA. QazAqparat - Fýtboldan álem birinshiliginiń toptyq kezeńi máresine jetetin ýaqyt taıap qaldy. Búgin F tobynda Meksıka men Shvetsııa quramalary kezdesedi, dep habarlaıdy QazAqparat tilshisi.
Mamandar Meksıkany joǵary baǵalap otyr. Solaı bolarlyq jóni bar. Alǵashqy eki týrda olar upaıdan shashaý shyǵarǵan joq. Aldymen Germanııanyń qarqynyn basty. Nemisterdi 1:0 esebimen tize búktirdi. Odan keıin Ońtústik Koreıany 2:1 esebimen tize búktirdi. Sonyń nátıjesinde olar 1/8 fınalǵa shyqty. Sońǵy oıynda Shvetsııadan jeńilse, Germanııa Ońtústik Koreıany utqan jaǵdaıda olar joldamadan qur qalýy ǵajap emes. Sondyqtan olar teń tússe de bolady. Meksıka 1994 jyldan beri fınaldyq kezeńde toptyq satysynan turaqty túrde shyǵyp keledi. Sol sebepti bıyl da osy úrdisti jalǵastyrýǵa nazar aýdaratyny anyq. Degenmen nazar aýdararlyq nárse - meksıkalyqtar 1/8 fınaldyq satydan aryǵa asa almaı keledi. Bálkim, bıyl sol bıikten de joǵary nátıjege qol jetkizetin shyǵar. Ony ýaqytynda kóre jatarmyz. Shvetsııa tarıhynda mundaı turaqtylyq baıqalmaıdy.
Buǵan deıin qos qurama 9 márte kezdesken eken. Alǵashqy oıyn 1954 jyly ótken álem birinshiliginiń fınaldyq kezeńinde boldy. Sol jyly qos qurama 3 topta synǵa tústi. Bul joly shvedter 3:0 esebimen basym boldy. Al Meksıka ekeýara kezdesýde atalmysh qarsylasyn alǵash ret 1983 jyly joldastyq oıynda 2:0 esebimen jeńdi. Sońǵy ret eki qurama osydan toǵyz jyl buryn oınady. 2009 jyly joldastyq kezdesýde Shvetsııa 1:0 esebimen jeńgen edi. Jalpy, búgingi kúnge deıingi 9 kezdesýdiń 8-i joldastyq oıyn bolyp tabylady. ıAǵnı, bıyl olar resmı túrde ekinshi ret jolyǵyp otyr.
Býkmekerlik keńseler Meksıka jeńedi degen boljam jasap otyr. Olardyń múmkindigin arttyryp qoıdy. Árıne, barlyǵy jasyl alań tórinde sheshiledi. Ony ýaqytynda kóretin bolamyz. Shvetsııaǵa da úmit artyp júrgen jankúıerler az emes. Buryn osy quramada ter tókken ataqty Zlatan Ibragımovıch óz áriptesteri jaıynda «Bizdiń jigitter jaqsy oıyn órnegin kórsetip keledi. Aldaǵy ýaqytta budan da jaqsara túsedi dep oılaımyn. Olar ózderiniń maqsatyna jetýge barynsha kúsh salady», - dep oıyn bólisken edi. Ol búginde AQSh-tyń «Los-Andjeles Gelaksı» komandasynda ter tógip júr. Degenmen óz quramasyna tileýles ekenin árdaıym alǵa tartady. Shvetsııanyń bas bapkeri ıAnne Andersson óz shákirtteriniń senimdi aqtaýǵa bar kúshin salatynyn jetkizip otyr.
Atap keterligi, Meksıka óz jankúıerlerimen de maqtanady. Bul elden Reseıge óz fýtbolshylaryn qoldaý maqsatynda 40 myńǵa tarta adam kelgen eken. Sondyqtan olar árbir kezdesýde jankúıer qoldaýyn erekshe sezinip keledi. Meksıka sapynda ataǵy shyqqan belgili fýtbolshylar sany asa kóp emes. Degenmen olardyń basym bóligi Ispanııa jáne Portýgalııa birinshilikterinde oınaıdy. Sondyqtan olardy sheberligi shyńdalǵan sheberler qatarynda saanýǵa bolady.
Bul oıyn búgin, 27 maýsymda Ekaterınbýrg qalasynda bolady, Oǵan argentınkalyq tóreshi Nestor Pıtana qazylyq etedi. Kezdesý «Qazsport» telearnasynan 20.00-de tikeleı efırde kórsetiledi. Osy topta dál sol ýaqytta Ońtústik Koreıa men Germanııa («Qazaqstan». 00.00) quramalary kezdesedi.
Sondaı-aq, búgin E tobynda Serbııa men Brazılııa («Qazaqstan». 00.00), Shveıtsarııa men Kosta-Rıka («Qazsport».00.00) quramalary sheberlik baıqasady.
Foto: ru.fifa.com
