ÁCh-2018: Reseı Prezıdenti V.Pýtın jankúıerler chempıonatqa vızasyz kele alatynyn málim etti
ASTANA. QazAqparat - Reseı Prezıdenti Vladımır Pýtın 2018 jyly osy elde ótetin fýtboldan álem chempıonatyna sportshylar, tóreshiler men bapkerler, tipti, jankúıerler de vızasyz tártippen kele alatyn málim etti.
Ol sondaı-aq federaldyq zańda «2018 jylǵy chempıonatqa daıyndalýǵa járdemdesetin sheteldikter úshin arnaıy jeńildikti vızalyq rejim» qarastyrylǵanyn aıtyp ótti, dep habarlaıdy ITAR-TASS. «Al dúbirli doda aldynda jáne ol ótip jatqan kezde resmı qatysýshylar - sportshylar, tóreshiler, bapkerlerden basqa jankúıerler de Reseıge vızasyz tártippen kele alady», - dep naqtylady Reseı eliniń basshysy.
