ÁCh-2018: Qyzylordalyq fýtbolshylar Qazan qalasyna attandy
QYZYLORDA. QazAqparat - Qyzylordanyń «Qaısar» komandasynyń bapkerler quramy men oıynshylary Reseıdiń Qazan qalasyna ketti. Olar fýtboldan álem birinshiligi shırek fınalyndaǵy Brazılııa men Belgııa arasyndaǵy kezdesýdi tamashalaıtyn bolady, dep habarlaıdy QazAqparat tilshisi.
Oblys ákimdiginiń baspasóz qyzmetiniń habarlaýynsha, bul sharaǵa oblys ákimi Qyrymbek Kósherbaev qoldaý bildirgen.
Qazirgi tańda «Qaısar» el birinshiligindegi týrnır kestesinde 19 upaımen 6-orynda keledi. Olar sońǵy týrda syrt alańda Shymkenttiń «Ordabasy» klýbyn 2:1 esebimen tize búktirdi. Endi olar 14 shildede óz alańynda Qostanaıdyń «Tobyl» klýbyn qabyldaıdy.
