ÁCh-2018: Qazaqstan- Polsha irikteý matchyna bıletter qashan satylady
ASTANA. QazAqparat - Varshava 2018 jyly ótetin álem birinshiligine irikteý aıasyndaǵy Qazaqstan- Polsha matchyna bıletterdi qashannan bastap satatyndyǵyn jarııalady, dep habarlaıdy QazAqparat tilshisi.
Ulttyq quramalardyń kezdesýi 4 qyrkúıekte Polsha astanasynyń Ulttyq stadıonynynda ótedi. Polshanyń BAQ habarlaýyna qaraǵanda, atalǵan matchqa bıletterdi satý 15 tamyzdan bastalady. Alaıda bıletter qazirgi kezde arnaıy kartaǵa ıe jankúıerler úshin qoljetimdi.
kupbilet.pl saıtynyń málimetteri boıynsha, matchtyń bılet quny 80-220 zlotyı ( shamamen 7,5 - 20,5 myń teńge).
Eske sala keteıik, Qazaqstan men Polsha quramalarynyń aldyńǵy kezdesýi Astanada 2016 jyly 4 qyrkúıekte ótip, oıyn 2:2 esebimen teń aıaqtalǵan bolatyn.
