ÁCh-2018: Qazaqstan fýtbol quramasy Rýmynııamen teń tústi
ASTANA. QazAqparat - Qazaqstan fýtbol quramasy ÁCh-2018 irikteý týrynda Rýmynııamen teń oınady, dep habarlaıdy QazAqparat.
Kezdesý 11 qazan kúni «Astana Arena» stadıonynda ótken bolatyn. Tartysty bolǵan kezdesý 0:0 esebimen aıaqtaldy.
Birinshi taım eki komandanyń ańdysýynan bastaldy. Aldymen Bogdan Stanký 10-mınýtta qaqpany kózdese, kóp uzamaı qazaqstandyqtar sapynan Sergeı Hıjnıchenko qaýipti sát týǵyzdy.
30-mınýttarǵa jaqyn rýmyn fýtbolshysy Adrıan Popanyń gol soǵatyn múmkindigi bar bolatyn: Alaıda, jartylaı qorǵaýshy qaqpadan qıys ketti. Onyń izin ala Aleksandrý Krıpchý qaýipti soqqymen kózge tústi, biraq dop qaqpadan sanaýly santımetrden ótti.
Ekinshi taım qazaqstandyq fýtbolshylardyń belsendiligimen este qaldy. Samat Smaqov pen Islambek Qýat kezektese qaqpany betke aldy. Degenmen sońǵy mınýttarda rýmyndyqtar qaýipti shabýyldar uıymdastyryp, Qazaqstan quramasyn qapyda qaldyra jazdady. Biraq bos qaqpadan dopty alyp shyqqan Stas Pokatılov eseptiń ashylýyna jol bermedi.
Osylaısha, Qazaqstan quramasy Álem chempıonatynyń irikteý kezeńinde óz tobynda ekinshi márte teń tústi jáne eki upaımen keledi. Kelesi match týra bir aıdan soń, Danııa quramasyna qarsy ótedi.
