ÁCh-2018: Ispanııa quramasy jeńiske jetse 825 myń eýrodan alady
ASTANA. QazAqparat - Ispanııa quramasynyń oıynshylary fýtboldan 2018 jylǵy álem chempıonatynda jeńiske jetetin bolsa árqaısysy 825 myń eýrodan syıaqy alatyn bolady.
Bul týraly Marca habarlady.
Eger komanda shırek fınalǵa shyǵa almaı qalsa, syılyqaqydan qaǵylady.
Budan buryn BAQ Brazılııa quramasyna álemdik birinshilikte jeńiske jeter bolsa 1 mıllıon eýrodan beriletindigin habarlaǵan bolatyn.
Eske sala ketsek,2010 jylǵy álem chempıonatynda altyn enshilegen ıspandyqtar 600 myń eýrodan alǵan. Al 2014 jyly 720 myńnan alýy tıis edi. Biraq komanda toptan shyǵa almady.
Bıylǵy álem chempıonatynyń matchtary 14 maýsym men 15 shilde aralyǵynda Reseıdiń 11 qalasyndaǵy 12 stadıonda ótedi.
Ispandyqtar V tobynda Portýgalııamen (15 maýsym, Sochı), Iranmen (10 maýsym, Qazan) jáne Marokkomen (25 maýsym, Kalınıngrad) kezdesedi.
