ÁCh-2018: Fýtboldan álem chempıonatynyń resmı emblemasy jurtshylyqqa tanystyrylmaq
ASTANA. QazAqparat - 2018 jyly ótetin fýtboldan álem chempıonatynyń emblemasy jurtshylyqqa 28 qazanda Máskeýdegi Úlken teatrdyń qasbetinde jaryqty shoý-proektsııamen tanystyrylady. Bul týraly «Reseı-2018» uıymdastyrý komıtetinen habarlady.
Shoý Máskeý ýaqyty boıynsha saǵat 23.30-da bastalady. Ol Reseıdiń Birinshi arnasynan tikeleı efırde kórsetiledi. Sondaı-aq shara barysynda týrnırdiń resmı logotıpiniń tusaýkeseri ótedi. «Úlken teatr Reseıdiń álem tanıtyn sımvoly bolyp tabylady, ol bizdiń dástúrimizdiń kelbeti ispettes. Biz elimizde ótetin fýtboldan álem chempıonaty mıllıondaǵan jankúıerlerge orys mádenıetiniń bar baılyǵyn pash etedi, al ÁCh-2018-niń resmı emblemasy osy tarıhı týrnırdiń biregeı kórinisi bola alady, degen senimdemiz», - dedi ÁCh-2018-ge ázirlik jónindegi uıymdastyrý komıtetiniń bas dırektory Alekseı Sorokın. Esterińizge sala keteıik, 2018 jylǵy fýtboldan álem chempıonatynyń matchtary Máskeý, Sankt-Peterbor, Sochı, Kalınıngrad, Dondaǵy Rostov, Volgograd, Samara, Nıjnıı Novgorod, Ekaterınbýrg, Qazan jáne Saran qalalarynda ótedi. Ol shamamen 2018 jyldyń 8 maýsymy men 8 shildesi aralyǵynda ótkiziledi, dep josparlanýda.
