ÁCh-2018: Frantsııa quramasynyń fýtbolshysy Pavardyń soqqan doby eń úzdik gol boldy
ASTANA. QazAqparat - Fýtboldan Frantsııa quramasynyń qorǵaýshysy Benjamen Pavardyń 2018 jylǵy álem chempıonatynyń 1/8 fınaly matchynda Argentına komandasynyń qaqpasyna soqqan goly týrnırdiń úzdik goly atandy. Bul týraly Halyqaralyq fýtbol federatsııasynyń (FIFA) baspasóz qyzmeti habarlady.
Eske sala ketsek, Frantsııa - Argentına matchy 4:3 esebimen frantsýzdardyń jeńisimen aıaqtalǵan bolatyn. Pavar kezdesý argentıkalyqtardyń paıdasyna 2:1 esebimen bolyp turǵan kezde, 57-inshi mınýtta gol saldy.
Buǵan deıin ońtústikamerıkalyqtar qatarynan eki ret gol salyp ta úlgergen edi. Bir qyzyǵy, bul Frantsııa quramasynyń súrinip turyp jeńip ketken jalǵyz oıyny boldy.
«Adam senbeıtin soqqy. Benjamen ór minezdi. Ol osy golymen bizdi jigerlendirdi», - dep málim etti Pavardyń soqqan doby jaıly Frantsııa quramasyndaǵy áriptesi Blez Matıýıdı.
