ÁCh-2018: Anglııa - jartylaı fınalda
ASTANA. QazAqparat - Reseıde ótip jatqan fýtboldan álem chempıonatynyń shırek fınalynda Shvetsııa quramasy Anglııamen kezdesti, dep habarlaıdy «QazAqparat» HAA tilshisi.
Samara qalasyndaǵy kezekti match alma-kezek shabýyldarmen bastaldy. Aldymen, shved Vıktor Klasson alystan shirene tartty. Onyń soqqysyna Anglııa kapıtany Harrı Keın jaýap qaıtardy. Aǵylshyndar qarsylastaryn qos qaptaldan qyspaqqa alǵanymen, shabýyldaryn nátıjeli túıindeı alar emes. Alaıda, standartty dop jemisin berdi. 30-mınýtta Eshlı ıAngtyń buryshtamadan kótergen dobyna Garrı Magýaer birinshi jetip, baspen urdy. Esep - 0:1! Gol soǵyp alǵan Anglııa kóbine qorǵanysqa mán berip, qarymta shabýyldarǵa ıek artýda. Sondaı sátterdiń birinde Rahım Sterlıng qaqpashymen betpe-bet shyǵyp, aılasyn asyra almady.
Ekinshi taım basynda shvetsııalyq Markýs Berg esepti teńestiretin múmkindikti múlt jiberdi. Onyń baspen urǵan soqqysyna qaqpashy Djordan Pıkford tosqaýyl turdy. 59-mınýtta aǵylshyndar taǵy bir gol soqty. Bul joly Djeısı Lıngardtyń aınaldyra bergen pasyna Delle Allı úlgirip, qaqpa toryn «búlk» etkizdi. Іle-shala uıymdastyrylǵan qarymta shabýyldy Toıvonen-Berg-Klasson úshtigi sátti aıaqtaı almady.Sońǵysynyń tepken doby qaqpashynyń qolynan tabyldy.
Kezdesý sońyna taman Shvetsııa aıaq-dopshylary esep aıyrmasyn qysqartýǵa qansha tyrysqandarymen nátıje shyqpady.
Osylaısha, Anglııa quramasy álem chempıonatynyń jartylaı fınalyna shyqty.
Aıta keteıik, qos komanda myna qurammen alańǵa shyqqan bolatyn:
Shvetsııa: Olsen, Lındelef, Grankvıst, Aýgýstınson, Kraft, Larsson, Ekdal, Klasson, Forsberg, Berg, Toıvonen.
Anglııa: Pıkford, Ýolker, Stoýns, Magýaer, Trıpper, ıAng, Lıngard, Henderson, Allı, Sterlıng, Keın.
