ÁCh-2018: Anglııa quramasy «taýyqpen» jattyǵý jasady
ASTANA. QazAqparat - Reseı jasyl alańdarynda ótip jatqan 2018 jylǵy Álem chempıonatynyń jartylaı fınaly aıasynda búgin Máskeýdegi «Lýjnıkı» stadıonynda Horvatııa jáne Anglııa quramalary kezdesedi, dep habarlaıdy QazAqparat tilshisi.
/www.instagram.com/england/
Keshe Frantsııanyń Belgııanyń qalaı tize búktirgenin kórdik.
Dıde Desham shákirtteri onyń aldynda Argentına, Ýrýgvaı quramalaryn da tyrp etkizbeı tastap edi. Sońǵy kezderi birqatar fýtbol mamandary Frantsııany toqtatý tek Horvatııanyń ǵana qolynan keledi degen sııaqty pikirler aıta bastady. Horvatııa Frantsııany toqtatý úshin búgin Anglııany jeńýi tıis. Al Anglııanyń bul chempıonattaǵy esebi bólek. Olar, tipti, jartylaı fınalda Horvatııadan súrinbeı ótetinine kámil senip, fınalda frantsýzdarmen kezdesýge psıhologııalyq daıyndyqty bastap jibergen.
Keshe Týıtterde taraǵan vıdeoǵa qaraǵanda, aǵylshyndar jartylaı fınaldy shetke ysyryp qoıǵan sekildi. Mańyzdy oıyn aldynan oıynshylarǵa erekshe kóńil kúı syılaý úshin komandanyń fızıologııalyq daıyndyq jónindegi bapkerleri «qýyrshaq» taýyqty paıdalanýdy usynǵan. Bas bapker Garet Saýtgeıttiń aıtýynsha, negizinen jastardan quralǵan komandaǵa bul jaqsy áser etýi tıis.
#ENG: nestandartnyı podhod k trenırovkam😁🐓👍 pic.twitter.com/g2XDGYkLmj
— Chempıonat mıra FIFA 2018🏆🇷🇺 (@fifaworldcup_ru) 10 ııýlıa 2018 g.
Aıta keteıik, átesh - Frantsııa ulttyq quramasynyń sımvoly. Álgi «qýyrshaqty» Garet Saýtgeıt dıplomatııalyq ádep saqtap ádeıi «taýyq» dep otyrǵany túsinikti. Jattyǵý kezinde ony bir-birine laqtyryp oıyn-saýyq qurǵan aǵylshynnyń jas oıynshylarynyń bul áreketin sheteldik BAQ «frantsýzdarǵa ádeıi ses kórsetip, qytyǵyna tıip jatyr» dep baǵalaýda.
Biraq, qansha jerden favorıt sanalǵanmen, aǵylshyndar fınalǵa shyǵý úshin tájirıbesi mol Horvatııanyń qarsylyǵyn syndyrýy tıis. Horvatııanyń búgingi oıynǵa shyǵarýy múmkin negizgi quramynda óńsheń tis qaqqan tájirıbeli fýtbolshylar jınalǵan: Danıel Sýbashıch; Shıme Vrsalko, Deıan Lovren, Domagoı Vıda, Ivan Strınıch; Ivan Rakıtıch, Martselo Brozovıch; Ante Rebıch, Lýka Modrıch, Ivan Perıshıch; Marıo Mandjýkıch.
Al Anglııa mynadaı qurammen shyǵýy múmkin: Djordan Pıkford; Kaıl Ýoker, Djon Stoýnz, Harrı Magýaır; Kıran Trıpper, Dele Allı, Djordan Henderson, Djessı Lıngard, Eshlı ıAng; Rahım Sterlıng, Harrı Keın.
Oıyn Astana ýaqytymen 00:00-de bolady. Ony tikeleı efırden Qazsport jáne Qazaqstan telearnalary kórsetedi.
Foto: www.instagram.com/england/
