ÁCh-2018: Anglııa 52 jyl burynǵy jetistigin qaıtalaı ala ma
ASTANA. QazAqparat. Búgin, 7 shildede fýtboldan álem birinshiliginiń shırek fınal satysynda Shvetsııa men Anglııa quramalary kezdesedi. Bul oıyn Reseıdiń Samara qalasynda ótedi, dep habarlaıdy QazAqparat tilshisi.
Joramal jasaýshylar atalmysh matchta aǵylshyndardy basty favorıt sanap otyr. Ras, sońǵy jyldarda Anglııa quramasy jankúıer senimin aqtaı almaı keledi. Olar sońǵy márte álem birinshiliginde 1966 jyly chempıon atanǵan edi. 1990 jyly tórtinshi orynǵa qol jetkizdi. Dúnıejúzilik dop dodasynda budan basqa qol jetkizgen tabysy joq. Eýropa birinshiliginde 1968 jáne 1996 jyldary qola júldege qol sozdy. Anglııanyń osydan ózge baǵyndyrǵan bıigi joq. Bálkim, sol olqylyqtyń orny bıyl tolatyn shyǵar. Al Shvetsııa chempıondyq ataqqa qol jetkize qoıǵan joq. Dese de álem birinshiliginde olar 1958 jyly kúmis, 1950, 1954 jyldary qola júldege qol sozdy. Al 1938 jyly tórtinshi oryn aldy. Shvedter 1992 jyly qola júldeger boldy. Skandınavııa túbeginiń ókilderi bıyl aıdy aspanǵa shyǵara ala ma? Ony birinshilik barysynda kóre jatarmyz.
Qos quramanyń joly buǵan deıin 23 márte túıisken. Ekeýi de jeti-jetiden jeńiske jetse, 9 oıyn teń aıaqtaldy. Olar alǵash ret 1923 jyly joldastyq kezdesý ótkizip, bul joly aǵylshyndar 4:2 esebimen jeńiske jetti. Sońǵy ret 2012 jyldyń 14 qarashasynda Shvetsııanyń Solna qalasynda joldastyq kezdesýde jasyl alańǵa shyqty. Onda shvedter 4:2 esebimen basym tústi. Jalpy, qos qurama álem birinshiliginiń fınaldyq kezeńinde 2 márte jolyqty. 1990 jyldyń 2002 jyldyń 2 maýsymynda Japonııanyń Saıtama qalasynda Ǵ tobynda kezdesken olar 1:1 esebimen qanaǵat bildirip tarasty. Odan keıin 2006 jyly olar Germanııadaǵy dop dodasynda V tobynda joly túıisip, bul joly da jeńimpaz anyqtalǵan joq. Esep 2:2. Búgingi kezdesýde mindetti túrde bir qurama basym túsedi. Óıtkeni, jeńimpaz bolǵany jarysty jalǵastyrady.
Anglııanyń bas bapkeri Garet Saýtgeıt «Biz alǵa qaraı damyp kelemiz. Bul jolda toqtap qalǵymyz kelmeıdi. Jeńiske jetýge bar kúshimizdi salamyz» - deıdi. Al Shvetsııanyń bas bapkeri ıAnne Andersson «Biz Anglııanyń myqty ekenin bilemiz. Onda álemge áıgili fýtbolshylar bar», - dedi.
Esterińizge sala ketelik, Shvetsııa quramasy búgini kezeńge deıin talaı myqty artqa saldy. Álem birinshiligine irikteý kezeńiniń toptyq satysynda Gollandııa sekildi quramany artqa salyp ketti. Odan keıin pleı-off kezeńinde Italııany orta jolda qaldyrdy. Bıylǵy álem birinshiliginde bir topta Meksıka jáne Germanııa sekildi azýly qarsylastaryn artqa salyp, óz tobynda birinshi oryn aldy. Jarystyń 1/8 satysynda talaı qarsylasyn tyqsyryp júrgen Shveıtsarııadan myqty ekenin dáleldedi. Áıgili Zlatan Ibragımovıch sekildi juldyz qurama sapynda oıyn kórsetpese de, olar ózderiniń bolashaǵy zor ekenin aıǵaqtady. Anglııa irikteý kezeńinde joǵary deńgeıde oıyn kórsetti. Óz tobynda birinshi boldy. Fınaldyq kezeńde alǵa Belgııany salyp, óz tobynda ekinshi oryn aldy. Jarystyń 1/8 fınaldyq satysynda Kolýmbııany penaltı arqyly jeńdi. Endigi kezekte Shvetsııamen sheberlik baıqasady.
Atalmysh kezdesý 00:00-de «Samara Arena» stadıonynda bolady. Oıyndy «Qazaqstan» jáne «Qazsport» telearnalary tikeleı efırden kórsetedi.
Keshe shırek fınal oıyndarynda Frantsııa Ýrýgvaıdy 2:0, Belgııa Ýrýgvaıdy 2:1 esebimen jeńdi.
