ÁCh-2018: 50 metrden soǵylǵan dop frantsýzdardyń qaqpasyn qaqyratty
ASTANA. QazAqparat - Álem chempıonatynyń irikteý jarysynda A tobyndaǵy Shvetsııa men Frantsııa arasyndaǵy matchta (2:1) adam senbesteı qyzyqty oqıǵa boldy.
Aıta ketken jón, bul topta birinshi orynǵa osy eki qurama men Gollandııa talasýda.
Stokgolmde ótken kezdesýdiń sońǵy mınýtynda qonaqtar qaqpashysy Ýgo Lorıs ókinishi ketpeıtindeı qatelikke uryndy. Onyń alańǵa júgire shyǵyp tepken doby týra shved Olo Toıvonenniń aıaǵynyń astyna tústi. Mundaı múmkindikti qalaı paıdalanbasyn. Onyń shirene tepken doby bos qalǵan qaqpanyń toryn týlatty.
6 týrdan keıin Shvetsııa men Frantsııada 13 upaıdan bar, Nıderlandyda - 10, Bolgarııada-9.
2018 jyly Reseıde ótetin álem chempıonatyna osy toptan bir ǵana komanda barady.
