ÁCh-2014: Úzdik shabýylshy Hames Rodrıges qansha turady?
ASTANA. QazAqparat - «Monako» fýtbol klýby jartylaı qorǵaýshy Hames Rodrıgesti 80 mln. eýroǵa baǵalady, dep habarlaıdy sheteldik BAQ.
Osylaısha olar chempıonattyń eń úzdik shabýylshysynyń arqasynda 80 mln. eýro paıda túsirmek.
Álem chempıonatynda 6 gol salǵan 22 jasar Hames Rodrıges «Manchester Sıtı», «Real» syndy iri fýtbol klýbtarynyń nazaryn ózine qaratty. Jaqynda Rodrıgestiń ózi «Monakoda» qalmaıtynyn málimdegen bolatyn. Úzdik shabýylshy «Monakomen» 2018 jylǵa deıin shartqa otyrǵan.
Aıta keteıik, Hames «Portýdan» «Monako» fýtbol klýbyna 35 mln. eýroǵa aýysqan bolatyn. Frantsııada ótken chempıonatta Hames Rodrıges 34 match ótkizip, 9 gol salǵan.
