ÁCh-2014: Teledıdarǵa telmirgen úsh qytaılyq jankúıer ómirmen qoshtasty
ASTANA. QazAqparat - Brazılııada ótip jatqan fýtboldan álem chempıonaty oıyndaryn teledıdardan úzilissiz kórgen úsh qytaılyq jankúıer uıyqtamaǵannan jáne mılaryna aýyr salmaq túskennen kóz jumdy.
Bul týraly jergilikti BAQ habarlady.
39 jasar shanhaılyq Chjoý degen azamat teledıdardy úsh tún uıqysyz, kóz almaı kórýdiń saldarynan jeksenbi kúni qaıtys boldy. Sondaı-aq, 25 jasar Sýchjoý qalasy (Tszıansý provıntsııasy, Shyǵys Qytaı) turǵynynyń da óli denesi teledıdar aldynda tabylǵan. Dárigerler onyń da uıqynyń qanbaýy saldarynan ólgenin anyqtady.
Álemdik fýtbol birinshiliginiń sońǵy qurbany Dalıanıanyń (Lıaonın provıntsııasy, Soltústik-Shyǵys Qytaı) 51 jasar turǵyny boldy. Ol dostarymen birge Nıderlandy men Ispanııa quramalarynyń oıynyn (5:1) tamashalap jatqan kezde júregi toqtap qalǵan.
