ÁCh-2014: Segizaıaq Paýldiń ornyn tasbaqa basty
ASTANA. QazAqparat - Brazılııada fýtboldan ótetin álem chempıonatynyń ashylýyna az ǵana ýaqyt qaldy. Jankúıerler bolsa, «janýarlar» boljamynyń marafonyn iske qosty.
Olar bul joly alǵashqy ashylý matchynyń nátıjesin boljaýda tasbaqaǵa senim artty. «Úlken bas» ataýyn ıelengen qos mekendi janýar Brazılııa quramasy týynyń janyndaǵy balyqty tańdap, Horvatııamen oıynda pentakampeondar jeńiske jetetindigin boljady.
Eske sala ketsek, OAR-da ótken fýtbol oıyndaryn boljaýda Paýl atalǵan segizaıaq tanymal bolǵan edi. Ol Germanııa quramasynyń barlyq matchtarynyń nátıjesin dál tapty. Sondaı-aq, birshama týra kelgen boljamdy pilder, toraılar, totyqustar, tipti órmekshiler de jasaǵan bolatyn.
