ÁCh-2014: Reseı mýndıalda belgııalyqtardan jeńilis tapty - VIDEO
ASTANA. QazAqparat - Búgin Brazılııada fýtboldan álem chempıonatynyń 11-shi oıyn kúninde Reseı quramasy Belgııamen kezdesý ótkizdi.
Tómen jyldamdyqta ótken matchta qarsylastar oıynnyń sońǵy mınýttaryna deıin gol sala almaı keldi. Degenmen 88-mınýtta Orıgı belgııalyqtardy alǵa shyǵardy. Aıta keteıik, reseılik komanda mýndıalda osymen ekinshi matchty súreńsiz ótkizip otyr. Bunyń aldynda Ońtústik Koreıa quramasymen kezdesken olar 1:1 esebimen teń tústi. Al Belgııa quramasy bunyń aldynda Aljır fýtbolshylaryn utqan.
Astana ýaqyty boıynsha, 01:00-de Aljır men Ońtústik Koreıa fýtbolshylary alańǵa shyǵady. Bul oıyndy da "Eýrazııa" Birinshi arnasynan" kórýge bolady.
Al 04:00-de Portýgalııa men AQSh ózara kim myqtyny anyqtamaq. Ony "Qazaqstan" men KazSport telearnalary tikeleı efırde taratatyn bolady.
