ÁCh-2014: Nıderlandy Chılıdiń mysyn basty
ASTANA. QazAqparat - Brazılııada fýtboldan álem chempıonatynda Nıderlandy men Chılı quramalary ózara kezdesti.
V tobynda 6 upaıǵa ıe bolǵan qos komanda birinshi orynǵa talasqan bolatyn. Bul teketireste 0:2 esebimen Nıderlandy fýtbolshylary jeńiske jetti.
Oıyndaǵy alǵashqy goldy 77-mınýtta Leroı Fer saldy. Al 90-mınýtta Memfıs Depaı esepti ulǵaıtty.
Osylaısha gollandııalyqtar 9 upaımen topta birinshi oryn alyp, birinshiliktiń pleı-off kezeńine shyqty. 6 upaımen ekinshi oryn alǵan chılılikter de 1/8 fınal joldamasyn qaltaǵa basty.
