ÁCh-2014: Neımardyń qos goly pentakampeondardy pleı-offqa shyǵardy
ASTANA. QazAqparat - Búgin fýtboldan álem chempıonatynyń úshinshi týrynda Brazılııa Kamerýn quramasyn 4:1 esebimen oısyrata jeńdi.
Alǵashqy goldy brazılııalyq shabýylshy Neımar oıynnyń 17-mınýtynda saldy. Degenmen kamerýndyqtar da qarap qalǵan joq, 26-mınýtta Djoel Matıp esepti teńestirdi.
Matchtyń 34-mınýtynda pentakampeondardyń juldyzy Neımar dýbl avtory atanyp, bundaı esepke kelispeıtindigin tanytty. Ekinshi taımda Fred bul esepti eseleı tústi. Al oıynnyń sońǵy mınýttarynda Fernandıno 4-goldyń avtory atandy.
Osy jeńisinen keıin brazılııalyqtar A tobynda 7 upaı enshilep, birinshi orynmen pleı-offqa shyqty. Horvattardy tize búktirgen Meksıka quramasy da 7 upaımen fınaldyq básekelerge joldama aldy. Upaıdan kemshin túsken Horvatııa men Kamerýn úılerine qaıtatyn boldy.
