ÁCh-2014: Messıdiń goly Argentınaǵa jeńis ákeldi - VIDEO
ASTANA. QazAqparat - Búgin Argentına quramasy Brazılııada ótip jatqan fýtboldan álem chempıonatynda Bosnııa jáne Gertsogovına komandasyn 2-1 esebimen utyp ketti.
Birinshi taımnyń úshinshi mınýtynda Argentına esep ashty. Markos Rohonyń tepken dobynan keıin bosnııalyq oıynshy Kolashınats óz qaqpasyna dop engizip aldy. Bul birinshi taımdaǵy jalǵyz gol boldy. Ekinshi kezeńde argentınalyq komandanyń kapıtany jáne álemniń tórt márte eń úzdik oıynshysy tanylǵan Lıonel Messı osy mýndıaldaǵy alǵashqy golyn salyp, óz ujymynyń mereıin asyra tústi.
Bosnııa jáne Gertsogovına bolsa, latyn amerıkalyq fýtbolshylarǵa úlken qarsylyq kórsete bildi. Kezdesýdiń 84-mınýtynda Ibıshevıch óz eliniń tarıhynda álem chempıonatyndaǵy alǵashqy golyn saldy.
