ÁCh-2014: Lýız Felıpe Skoları - «Brazılııanyń jeńilisine men kinálimin»
ASTANA. QazAqparat - Brazılııa quramasynyń bas bapkeri Lýız Felıpe Skoları ulttyq komandanyń sátsiz oıyn kórsetip, Germanııadan 1:7 esebimen jeńilýine jaýapkershilikti óz moınyna aldy.
Búgin Brazılııada ótip jatqan fýtboldan álem chempıonatynyń jartylaı fınaldyq básekesinde Brazılııa Germanııa quramasynan 7:1 esebimen jeńilip qalǵan bolatyn.
Baspasóz máslıhaty barysynda bas bapker jankúıerler aldynda keshirim surady. «Oıyndaǵy nátıje úshin keshirim suraǵym keledi», - dep keltiredi Football Espana Skolarıdiń sózin. - Biz jeńilip jatqanymyzǵa qaramastan, komandaǵa qoldaý kórsetken jankúıerlerge alǵys aıtamyn. Jeńiliske men kinálimin jáne sol úshin jaýapkershilik arqalaýym tıis. Esep bizdiń oıynymyzǵa baılanysty boldy dep eseptemeımin. Biz baqylaýdy qoldan sýsytyp aldyq, bul árıne jaqsy emes, biraq mundaı oqıǵalar oryn alyp turady».
