ÁCh-2014: Lýız Felıpe Skoları - «Brazılııanyń qazirgi quramasynyń 70 paıyzy ÁCh-2018 qatysady»
ASTANA. QazAqparat - Brazılııa quramasynyń bas bapkeri Lýız Felıpe Skoları Germanııa quramasynan 1:7 esebimen jeńilgenniń ózinde 2014 jylǵy álem birinshiliginde jalpy jaman óner kórsetken joq dep esepteıdi.
Mamannyń atap kórsetkenindeı, ulttyq komandanyń jartylaı fınaldaǵy sátsizdigi neden bolǵandyǵyn anyqtaý qıyn.
«Brazılııa quramasy 2002 jyldan beri alǵash ret álem birinshiliginiń jartylaı fınalyna shyǵyp otyr. Árıne biz aşy jeńiliske ushyradyq, degenmen barlyǵy sonshalyqty nashar emes. Ózge jaǵdaıda biz osyndaı uzaq joldy júrip óter alar emes edik», - deıdi Skoları.
«6 mınýt ishinde 4 goldy qalaı ótkizip alǵanymyzdy túsindire almaımyn. Osy saýalǵa qazir qandaı da bir jaýap qata almaspyn. Bizge endi úshinshi oryn úshin bolatyn matchqa daıyndalý qajet. Osydan keıin men Brazılııanyń fýtbol federatsııasy basshylyǵymen kezdesip, ulttyq quramadaǵy meniń bolashaǵymdy talqylaımyz. Menińshe, Brazılııanyń búgingi quramasynyń kem degende 70 paıyzy 2018 jyly Reseıdegi álem chempıonatyna qatysady», - dep atap ótti ol.
