ÁCh-2014: Lýıs Sýares óziniń Twitter-degi paraqshasynda qarsylasyn tistep alǵany úshin keshirim surady
ASTANA. QazAqparat - Italııa komandasyndaǵy óziniń qarsylasyn tistep alǵan Ýrýgvaı quramasynyń oıynshysy Lýıs Sýares keshirim surady.
Twitter-degi paraqshasynda ol bolǵan jaǵdaıǵa baılanysty «qatty ókinetinin» málim etken.
«Birneshe kún men ózimniń otbasymmen bolyp, 2014 jyldyń 24 maýsymyndaǵy Italııa-Ýrýgvaı matchy kezinde bolǵan jaǵdaıdy oı eleginen ótkizdim», - dep jazdy sportshy.
«Men bolǵan jaǵdaıǵa baılanysty qatty ókinemin. Men Djordjo Kellını men barsha fýtbol quramasy múshelerinen keshirim suraımyn. Jurtshylyqqa endi mundaı jaǵdaı qaıtalanbaıdy dep ýáde beremin», - dep málim etti Sýares.
Italııa quramasynyń qorǵaýshysy Djordjo Kellınıdi Brazılııadaǵy álem chempıonatynyń matchy kezinde tistep alǵany úshin Sýares tórt aıǵa fýtboldan shettetildi. Oǵan fýtbol oınaýǵa, stadıondarǵa kelýge tyıym salynǵan.
