ÁCh-2014: Kot D'Ivýar kútpegen jerden Japonııany utyp ketti - VIDEO
ASTANA. QazAqparat - Brazılııada fýtboldan álem chempıonatynda Kot D'Ivýar Japonııa quramasyn 2:1 esebimen jeńdi.
Match barysynda jeńilip jatqan afrıkalyqtar alańǵa ataqty Dıdıe Drogba shyqqan kezde qanattanyp, eki mınýttyń ishinde esepti teńestirip qana qoımaı, oıynda alǵa shyqty.
Jeke-jeke aıtatyn bolsaq, matchtyń 18-mınýtynda japonııalyq fýtbolshy Keısýke Honda esep ashqan bolatyn. Bul birinshi taımdaǵy jalǵyz gol retinde saqtalyp ta qaldy. Ekinshi taımda 63-mınýtta Dıdıe Drogba shyqqan kezde Kot D'Ivýar quramasy úlken kúshpen qarsylastar qaqpasyna lap qoıdy. Jáne 64-mınýtta afrıkalyqtar esepti teńestirdi. Gol avtory - Bonı. Al 66-mınýtta Jervıno tipti esepti eseletti.
