ÁCh-2014: Kosta-Rıka shırek fınalǵa ótti
ASTANA. QazAqparat - Búgin fýtboldan álem chempıonatynyń 1/8 fınalynda ótken Kosta-Rıka-Grekııa matchy penaltı serııasynda 1:1 (5:3) esebimen ortalyqamerıkalyqtardyń paıdasyna sheshildi.
Oıynnyń 52-shi mınýtynda Braıan Rýıs kostarıkalyqtardy alǵa shyǵarǵan bolatyn.
66-shy mınýtta kostarıkalyq qorǵaýshy Oskar Dýarte ekinshi sary qaǵaz alyp, alańnan qýyldy. Osy sátti paıdalanyp, grekter qarsylastar qaqpasyna shabýyldardy údete tústi jáne bul eńbekteri 90+1 mınýtta aqtaldy. Sokratıs Papastatopýlos shabýyldardyń birinde esepti teńestirip, oıyndy overtaımǵa oıystyrdy.
Degenmen jeńimpaz ol synda da anyqtalmady. Penaltıler serııasynda qarsylastar alma-kezek dop tepken. Bunda Kosta-Rıka qaqpashysy Navas bir penaltıdi qaıtaryp, komandasyna jeńis ákeldi. Endi Kosta-Rıka quramasy 5 shilde kúni shırek fınalda Nıderlandymen kezdesetin bolady.
