ÁCh-2014: Kolýmbııa prezıdentiniń ókimimen Brazılııamen bolatyn matchty el halqy jappaı kóretin boldy
ASTANA. QazAqparat - Kolýmbııa Prezıdenti Hýan Manýel Santos eldiń barlyq turǵyndary fýtboldan álem chempıonatynyń shırek fınalda osy el quramasynyń Brazılııamen matchyn kóre alatynyn málimdedi.
Bul týraly El Heraldo basylymy habarlady.
Prezıdenttiń ókimine sáıkes, Kolýmbııada 4 shildedegi jumys kúni 13.00-ge deıin ǵana sozylyp, osy matchty tamashalaǵysy kelgenderdiń bári úılerine, nemese oıyndy kórsetetin qoǵamdyq oryndarǵa erterek jetip alady. Eki quramanyń kezdesýi jergilikti ýaqyt boıynsha 17.00-ge josparlanǵan.
Brazılııa men Kolýmbııa arasyndaǵy oıyn 5 shildege qaraǵan túni Astana ýaqyty boıynsha 02.00 kezinde bastalady.
