ÁCh-2014: Kolýmbııa Prezıdenti turǵyndardy fýtbol kórý úshin jumystan bosatty
ASTANA. QazAqparat - Kolýmbııa Prezıdenti Hýan Manýel Santos fýtboldan álem chempıonatynyń shırek fınalyna shyqqan Brazılııa-Kolýmbııa matchyn Kolýmbııanyń barlyq turǵyndary kóre alady dep málimdedi.
Prezıdenttiń jarlyǵyna sáıkes, 4 shilde kúni kolýmbııalyqtardyń jumysy 13:00-ge deıin ǵana boldy. Osydan keıin turǵyndar úılerine nemese qoǵamdyq jerlerge baryp fýtboldy tamashalaı alady. Match jergilikti ýaqyt boıynsha 17:00-de bastalmaq.
Sondaı-aq Santos turǵyndardy fýtboldy janjalsyz, tynysh atap ótýge shaqyrdy. Óıtkeni grektermen ótken matchtyń jeńisin (3:0) toılaý kezinde Kolýmbııada onnan astam adam qaza tapqan bolatyn.
Aıta keteıik, Brazılııa - Kolýmbııa matchy Astana ýaqyty boıynsha saǵat 02:00-de ótedi.
