ÁCh-2014: Kolýmbııa Kot'D Ivýardan basym túsip, óz tobynda kósh bastady
BRAZILIA-ASTANA. QazAqparat - Búgin Brazılııada fýtbol álem chempıonaty aıasynda Kolýmbııa quramasy Kot'D Ivýardan 2:1 esebimen basym tústi.
Oıynnyń birinshi taımy barysynda komandalar alǵy shepte jaqsy óner kórsetkenimen, bir-biriniń qaqpalaryn ala almady. Al matchtyń ekinshi kezeńiniń 64-mınýtynda kolýmbııalyq fýtbolshy "qara pilderdiń" ókinishine oraı gol salyp, óz komandasyn alǵa shyǵardy. Osydan keıin afrıkalyqtar úlken kúshpen asyǵys shabýyldarǵa shyǵyp, óz qaqpalaryna taǵy bir dop engizip aldy. Alǵy shepke dopty alyp ótpek bolǵan Kot'D Ivýar komandasynyń qorǵaýshysy qatelesip, dopty qarsylastaryna jiberip aldy. Bul múmkindikti kolýmbııalyq shabýylshy Kındero qalt jibergen joq, osylaısha oıynnyń 70-mınýtynda esep 2:0-ge jetti.
Degenmen kóp keshikpeı, úsh mınýttan soń, afrıkalyq shabýylshy Djırvıno tórt qorǵaýshyny qapyda qaldyryp, ádemi goldyń avtory atandy. Alańǵa shyqqan ıvýarlyq Dıde Drogba shabýylǵa biraz serpin bergeni ras, alaıda bul matchtyń esebi ózgergen joq. "S" tobynda Kolýmbııa 6 upaımen kósh bastady. Ivýarlyqtar 3 upaımen ekinshi satyda. Al Japonııa men Grekııada ázirge upaı joq.
