ÁCh-2014: Kamerýn quramasy Meksıkaǵa jol berdi - VIDEO
ASTANA. QazAqparat - Búgin Brazılııada Álem chempıonatynyń toptyq kezeńinde Meksıka quramasy men Kamerýn fýtbolshylary kezdesti. Birinshi taımda 3 gol soǵylǵanymen, ony qaptaldaǵy tóreshiler ofsaıdtyń kesirinen sanaǵan joq. Ásirese Meksıka komandasynyń shabýylshysy Dos Santostyń eki goly qaıtalaý barysynda ádiletti sanalmady deýge qıyn.
Bul Brazılııadaǵy XX mereıtoılyq álem birinshiligindegi qazylardyń qate ketken birinshi oqıǵasy emes. Keshe Brazılııa - Horvatııa kezdesýinde bas qazy horvatııalyqtardyń qaqpasyna penaltı belgiledi. Degenmen sarapshylar men fýtbol mamandary onyń qate bolǵandyǵyn atap ótip, úlken daý shyǵarǵan bolatyn. Oıynnyń alǵashqy goly ekinshi taımda 61-mınýtta soǵyldy. Gol avtory 19-nómirli meksıkalyq jartylaı qorǵaýshy Peralta boldy. Kamerýn fýtbolshylary qarsylastarynyń qaqpasyna oqtyn-oqtyn shabýyl jasap otyrǵanymen, esepti teńestire almady. Búgin, 13 maýsym kúni Brazılııada 2014 jylǵy fýtboldan Álem chempıonatynyń taǵy eki kezdesýi ótedi. Astana ýaqytymen 01:00 saǵatta álemniń qazirgi chempıondary Ispanııa quramasy gollandııalyqtarmen (KazSport pen "Qazaqstan" arnalary translıatsııalaıdy) kezdesedi. Al saǵat 04:00-de Aýstralııa men Chılı fýtbolshylary ("Eýrazııa" arnasy) oınaıdy.
