ÁCh-2014: Ispanııa mýndıaldaǵy sońǵy matchynda jeńiske jetti
ASTANA. QazAqparat - Brazılııada fýtboldan álem chempıonatynda V tobynyń aýtsaıderleri Ispanııa men Avstralııa quramalary kezdesti.
Topta birde-bir upaı jınaı almaǵan qos komanda eń sońǵy oıyndaryn ótkizgen bolatyn. Bul oıynda Ispanııa quramasy Avstralııany 3:0 esebimen jeńip ketti.
Birinshi taımda Davıd Vılıa esep ashsa, ekinshi taımda 69-mınýtta Fernando Torres kózge tústi. Al matchtyń sońynda Hýan Mata esepti 3:0-ge jetkizdi.
Aıta keteıik, bul topta nıderlandyqtar 9 upaımen birinshi oryndy enshiledi. 6 upaı jınaǵan Chılı quramasy pleı-offqa joldama aldy. Al Ispanııa bir jeńisimen toptan shyǵa almady. Avstralııa 0 upaımen kósh sońynda qaldy.
