ÁCh-2014: Hames Rodrıges Peleniń rekordyn qaıtalady
ASTANA. QazAqparat - Álem chempıonatynyń 1/4 fınalynda Brazılııaǵa qarsy oıynda gol soqqan Kolýmbııa qurama komandasynyń fýtbolshysy Hames Rodrıges ataqty Peleniń rekordyn qaıtalady, dep jazady www.sovsport.ru saıty.
Kolýmbııalyq oıynshy 23 jasynda álem chempıonatynda 6 gol salǵan tarıhtaǵy ekinshi fýtbolshy atandy. Buǵan deıin mundaı jetistikke 1958 jyly 17 jasynda dańqty Pele jetken bolatyn.
Osylaısha, Rodrıges álem chempıonatynyń úzdik shabýylshylarynyń kóshin bastady. Kolýmbııa Brazılııadan jeńilip qalǵandyqtan endi ol bul chempıonatta kórsetkishin jańarta almaıdy.
Esterińizge sala keteıik, Germanııa men Brazılııa jartylaı fınalda kezdesedi.
