ÁCh-2014: Grekııa Kot D'Ivýardy «shań qaptyryp», mýndıaldiń 1/8 fınalyna shyqty
ASTANA. QazAqparat - Búgin Brazılııada álem chempıonaty aıasynda Grekııa men Kot D'Ivýar qurama komandalary pleı-offqa joldamany sarapqa saldy.
Chempıonat boıy birde-bir gol salmaı, 1 upaımen toptyń sońǵy oryndarynda kelgen Grekııa quramasy, ıvýarlyqtar qaqpasyna aldymen gol salyp, pleı-offqa shyǵar joldamaǵa birtaban jaqyndaǵan edi. Gol avtory - Andreas Samarıs. Alaıda afrıkalyqtardyń shabýylshysy Vılfrıd Bonı 74-mınýtta esepti teńestire aldy jáne grekııalyqtardyń úmitin sý sepkendeı basty.
Biraq sońǵy sekýndtarda bas qazy afrıkalyqtardyń qaqpasyna penaltı belgiledi jáne ony Samaras múltiksiz oryndap, grekııalyqtardy pleı-offqa shyǵardy.
Osy oıynnan keıin Grekııa 4 upaı jınap, álem chempıonatynyń pleı-off synyna óte aldy. Ol kezeńde Grekııa Kosta-Rıkamen kezdesetin bolady.
Aıta keteıik, S tobynda Kolýmbııa 9 upaımen kósh bastap, 1/8 fınalǵa shyqty. Oǵan 4 upaımen ekinshi satyǵa kóterilgen Grekııa qosyldy. Japonııa men Kot D'Ivýar dop dodasynan tys qaldy.
