ÁCh-2014: Gollandııa álem jáne Eýropa chempıony Ispanııa quramasyn «shashyp» tastady - VIDEO
ASTANA. QazAqparat - Búgin Brazılııada Álem chempıonatynyń toptyq kezeńinde Nıderlandy álem kýboginiń qazirgi ıegerleri Ispanııa quramasyn 5:1 esebimen oısyrata jeńdi.
Birinshi goldy ıspandyqtar oıynnyń 27-mınýtynda salǵan bolatyn. Habı Alonso penaltı soǵyp, komandasyn alǵa shyǵardy. Degenmen birinshi taımnyń sońyna deıin gollandııalyqtar esepti teńestire aldy. 44-mınýtta Van Persı ala dopty baspen qarsylastar qaqpasyna toǵytyp, tamasha goldyń avtory atandy. Ekinshi taımda Nıderlandy fýtbolshylary shabýylǵa shabýyl qosyp, belsendilikterin arttyra tústi. Matchtyń 53-mınýtynda Robben óz komandasyn alǵa shyǵardy. Osydan keıin, qyzǵaldaqtar eliniń komandasy shabyttana túsken syńaıly. Aldymen De Vreı 64-mınýtta esepti 3:1-ge jetkizse, 72-mınýtta Van Persı dýbl avtory atandy. Onyń izin ala 80-mınýtta Aren Robben birinshiliktegi ekinshi golyn saldy. Qorytyndy esep - 5:1. Oıyn Gollandııanyń basymdyǵymen aıaqtaldy.
Bunyń aldynda Álem chempıonatynyń toptyq kezeńinde Meksıka quramasy men Kamerýn fýtbolshylary kezdesken bolatyn. Onda 1:0 esebimen Meksıka jeńiske jetti.
Búgin, 13 maýsym kúni Brazılııada 2014 jylǵy fýtboldan Álem chempıo n atynyń taǵy bir kezdesýi ótedi.
Astana ýaqytymen 04:00 saǵatta Aýstralııa men Chılı fýtbolshylary ("Eýrazııa" birinshi telearnasynan kórsetiledi) oınaıdy.
