ÁCh-2014: Germanııa pentakampeondardy 5:0 esebimen jeńip jatyr
ASTANA. QazAqparat - Búgin Brazılııada ótip jatqan fýtboldan álem chempıonatynyń jartylaı fınaldyq básekesinde Brazılııa Germanııa quramasynan 0:5 esebimen jeńilip jatyr.
Belý-Orızontı qalasyndaǵy "Mıneraý" stadıonynda ótip jatqan bas aınaldyrar matchtyń nebári 30 mınýty ishinde germanııalyqtar 5 gol toǵytyp ketti. Stadıondaǵy brazılııalyq jankúıerler oıynnan esh úmit kútpeı, oryndaryn tastap ketýde. Gol avtorlary: Tomas Mıýller (11 mınýt), Mıroslav Kloze (23 mınýt), Tonı Kroos (23 jáne 24-shi mınýttarda), Samı Hedıra (29 mınýt). Qazir birinshi taım aıaqtalýǵa jaqyn.
Aıta keteıik, bul kezdesýde brazılııalyqtardyń kóshbasshysy Tıagý Sılva men komandanyń úzdik shabýylshysy Neımar alańǵa shyǵa almaǵan bolatyn. Bul oıynda Mıroslav Kloze álem chempıonattarynda 16-shy golyn salyp, álemdik rekordqa qol jetkizdi. Bunyń aldynda ol brazılııalyq shabýylshy Ronaldomen birge osy rekordty bólisip kelgen edi.
